حبة ثغرات بنقع فيها كلنا كا فنيين وخصوصا المبتدئين في المهنة في كل الأجهزة

 ...حبة ثغرات بنقع فيها كلنا كا فنيين وخصوصا المبتدئين في المهنة في كل الأجهزة ..

** لما تيجي تقيس بالافو اتأكد أن طرفين الافو موجودين على وضعية الفولت او الاوم علشان لو قست الفولت وانت على الاوم الافو هايضرب ولو قست الاوم والافو على وضعية الفولت مش هايديك قراية وهاتتلخبط .

** شنطة العدة بتاعتك متخلاش من

شريط لحام 

تيفليون

سيلكون حراري 

ديفكون

افيز بلاستك مقاسات 

بنسة امبير 

أنبوبة كولة الشعلة 

** لو لاقيت مسمار الطارة قافش دق عليه دقتين جامدين وفك ولو لاقيته برضوه جامد متجمدش انت عليه وخود الحلة وسخن علي المسمار باللمبة عند اي سمكري وفك المسمار علشان متعرضتش المسمار للكسر و القطم 

** بلاش تحط شحم كتير على السيل وانت بتغير البلي علشان هايتسبب في بقع بالملابس 

** لما تميل الغسالة على الحائط اتأكد انها على قاعدة ثابتة وقوية علشان متتزحلقش منك وتترزع على الارض ولو شاكك في القاعدة شيلها وانت بتصلح 

** لما تنيم الغسالة وعايز تشتغل من تحت نيمها ناحية درجة المسحوق ولو الغسالة فيها طلمبة جيت ممكن تنيمها على ضهرها 

** لو اكتشفت أن غسالة فيها مكثف ولاقيت المشكلة في الموتور وخصوصا الغسالات التوب فك فردتين المكثف قبل ما تشتغل علشان ممكن شحنة المكثف تتفرغ فيك من الضفيرة 

** متشدش سير الغسالة التوب اوي وخليه مرخي حاجة بسيطة علشان متفرملش الموتور في الدوران وترفع امبيره ويلف المروحة وهو مرتاح 

** سنفر كوليكتور الموتور وانت بتغير الشربون بسنفرة ميتة بلاش خشنة علشان الشربون يعيش وميعملش شرز وبتاكل بسرعة 

** سنفر مواسير التبريد كويس قبل ما تقطع و تلحم علشان اللحام يتعمل صح بالبودرة و الفضة 

** لم ضفيرتك في الثلاجة بافيزان بلاستك وأبعدها عن الهيتر والمروحة 

** قيس كهربة العميل بالافو علشان ممكن الفولت يطلع عينك لو بتشحن ب R 600

** لو لاغيت مواسير اليودر عوض عنها أن شاالله بمتر مواسير ربع ولفها حوالين علبة الفريون علشان تاخد شكل سوستة و تبقى شيك 

** لمبة اللحام امسكها بايدك الشمال والفضة في اليمين صدقني هاترتاح 

** اوعى تلغي فلتر الصمام في الغسالة مهما كان مواسير العميل ان شاءالله تطلع زبالة 

بس عرف العميل ازاي ينضف الصمام من وقت لآخر 

** اوعى تعمل كبري علي ثرموديسك السخان المثبت على السربنتينة في السخان الغاز الاوتوماتيك مهما كان العطل لأنه ممكن يحرق السخان وتسبب في انفجار لا قدر الله

** غلاف طلمبة الاكواتيك ده بيخزن طينة و سواد وهباب انت لازم تنضفه من عند خرطوم الدودة الرفيع اللي بتفكه ببيبة ٧ 

علشان بيتسبب في ريحة وحشة و بقع بالملابس

تعديل المقال