880297244420632
random

طلمبة الطرد

الخط

طلمبة الطرد






طلمبة الطرد انواع 
مسمار - لف - جيت - لف بمسمارين - تحويل صغيره

.. طلمبة الطرد مسؤلة عن طرد المياه بعد عملية الغسيل لحدوث الشطف و العصر

.. طلمبة الطرد مسؤلة عن تكملة الدائرة الكهربائية في الغسالة في بعض الموديلات علشان كدة لو لاقيت الغسالة بتنور بس هاتكشف عن قطع أو حرق ملف الطلمبة ثم اللوك و غيره
.. لو لاقيت طلمبة الطرد محروقة اتأكد أن فيه مياه وقعت على الملف 
وهنا تشوف سبب التسريب يا اما رغوة ذيادة او من الحلة او جوان الباب وغيره

.. ممكن حرق الطلمبة يكون سببه مياه طرطشت تحت الغسالة او البودي به بارومة شديدة او العميل مش بيقفل الفلتر كويس بعد تنظيفه
.. طلمبة الطرد بها جلب فيه منها نحاس وده نادر وفيه منها بلاستك
.. مياه الطلمبة او الايسون او المالحة زي المناطق الساحليه بتقصر عمر الطلمبة جدا علشان الملح بياكل الجلب وبتقفش اكس وريشة الطلمبة
.. لما تعرف ان الطلمبة بتزن ومش بتلف وواصلها ٢٢٠ افتح الفلتر و نضف الريشة كويس احتمال حاجة بسيطة جدا سبب وقوفها زي زرار قميص او لب او خلة سنان او خيط او سوستة بنطلون
.. الطلمبات في الغسالات المنزلية ليها وات مختلف 
٢٥ وات - ٣٠ وات - ٣٥ وات - ٤٠ وات - ٤٥ وات 
بتختلف باختلاف السعة التحميلية للغسيل من 
٥ ك الي ١٦ ك تحميل امامي

.. طلمبة الطرد تشتغل بكفاءه من 
٢٠٠ فولت ل ٢٢٠ فولت

.. فيه عملاء بيكون عندهم مشكلة في الكهرباء وبتسقط وبيكون الفولت لديهم اقل من ٢٠٠ فولت وهنا بتسمع الطلمبة بتكركر ومش بتلف وترفع المياه وهنا لازم تركب مثبت تيار للجهاز او استبلايزر او تخلي العميل يجيب كهرباءي يغير الفازة اللي داخلة على البيت .
.. تقريبا اغلب حرق الكروت في الغسالات بيكون بسبب طلمبة الطرد علشان كدة لازم تتعلم انهي جزء بيضرب في الكارت بسبب الطلمبة علشان تغير الطلمبة
.. الطلمبة اللي بتشتغل بوات قليل عندها قدرة على العمل مع الفولت المنخفض ١٧٠ فولت على الاقل فأكثر
.. الغسالات اللي بيتحرقلها طلمبات كتير وانت مش عارف سبب التسريب ايه غيرها بواحدة تركى لانها محافظة على الكويل بتاعها كويس
.. فضى مياه الغسالة باي طريقة قبل ما تميل الجهاز وتغير الطلمبة للامان
الطلمبة الجيت .. 
هي طلمبة ضخ مياه فوق الغسيل من خلال جوان الباب للمساعدة على بلل الغسيل اسرع والتنظيف وتوفير المياه وبتختلف عن الطلمبة الفريرة العادية ان الريشة بتاعتنا شبه الساقية او قرص دوار وليها غلاف مخصوص ..

طلمبة التحويل ..
بتكون في غسالات الاطباق ذات خاصية توفير المياه وموجودة لنقل مياه الشطف في خزان واستخدامها مرة أخرى
ليست هناك تعليقات
إرسال تعليق

إرسال تعليق

نموذج الاتصال
الاسمبريد إلكترونيرسالة